EECren diseinua

EEC diseinatzeko orduan, irizpide nagusi hauek erabili dira:

Medioa: Euskaraz idatzitako testuak (batez ere testuen bertsio elektronikoak). Helburu gisa, testuen % 48 liburuetatik, % 48 aldizkako argitalpenetatik eta % 4 sarerako berariaz sorturako edukietatik jaso dira.

Sailkapena: Bi sail nagusitan sailkatu dira testuak, fikzioa (% 25) eta ez-fikzioa (% 75) multzoetan banatuta.

• Fikzioa: Fikziozko testuak lau azpisailetan banatu dira: narratiba (% 65); antzerkia eta gidoiak (% 25); poesia (% 7) eta bertsoak (% 3).
• Ez-fikzioa: Ez-fikziozko testuak berriz, sei multzo tematiko nagusitan bildu dira: ekonomia, politika, zuzenbidea eta administrazioa (% 31); gizarte-zientziak (% 26); kirolak (% 10); kultura eta arteak (% 11); zientzia eta teknologia (% 15) eta bestelakoak (% 7). Multzo tematiko nagusi hauez gain, testu guztien gai-sailkapen finagoa ere egiten da, 22 azpigairen (eta 213 azpiazpigairen) arabera.

Kronologia: Azken 25 urteetako testuak jasoko ditu beti EECk. Lehen bertsio honek 2000. urtetik hasi eta 2023. urterainoko testuak jasotzen ditu. Corpus dinamikoa izango da, beraz.